魔術師足球場

我要搬屋

2007-01-04T22:37:00.000+08:00

由於台灣地震的關係, 而家用 blogspot, 都仲係好慢.

再加上, 原來 blogspot 要 update HTML係好麻煩!

所以, 我決定搬屋!

新地盤係 http://swingyuc.mysinablog.com/

各位老細得閒去行返個圈啦!

今年投資成績總結 - HSI version

2006-12-31T19:59:00.000+08:00

今晚係除夕, 仲有唔夠4個鐘, 就到2007年. 同大家 SAY 返句 HAPPY NEW YEAR 先!

之前11月尾果陣, HSI ABOUT 19xxx, 同大家做左次小結. 唔經唔覺, 又到年尾, 呢度再同大家做返個總結先.

今年HSI 由 15,000 升到 19,950, 總共升左 5,000 點, 即是 33%.

其中 HSI入面, 升得最勁果 3 隻分別係:

1. 0388 - From $34 to $85, up 150%
2. 0386 - From $3.6 to $7.2, up 96%
3. 0023 - From $22 to $44, up 95%

另外, 成績最差果 3 隻係

1. 0008 - From $4.7 to $4.7, No Movement
2. 0004 - From $27 to $27, Up 3%
3. 0003 - From $16 to $17, Up 4%

係所有HSI 入面, 有 20 隻升多過 AVERAGE的 33%, 另外 16隻就低過 AVERAGE.

所以, 今年如果你拎唔到 33% RETURN, 其實巳經係 below mean啦.

不過, 朋友尋日問我, 點計自己個 ROE?

我覺得用你個 total assets 計, 會 fair 少少. E.G:

1. 你年頭 total 有 $100 assets, 你用左$50去 invest. 如果, 今年有 50% return, 另外, 果 $50 拎去收 5% interest. 你個 ROE = (50* 1.5 + 50* 1.05)/100 = 27.5%

2. 你年頭 total 有 $100 assets, 你用左$90去 invest. 如果, 今年有 40% return, 另外, 果 $10 拎去收 5% interest. 你個 ROE = (90* 1.4 + 10* 1.05)/100 = 36.5%

當你計今年個 ROE 幾多, 拎晒自己全副身家去計. 因為, 即使你 individual investment 的 return 唔夠高, 但係你放入個 capital 多, 你都會有個比較高的 ROE.

你計左今年個成績未呢?

計左未都好, 祝大家有個快樂新年!

集體回憶 vs 合約精神

2006-12-27T02:04:00.000+08:00

經過幾個星期擾攘, 中環天星碼頭個鐘樓, 終於都拆走左. 根據政府係立法會指出, 個鐘巳經去左堆填區, 再無可能重建.

傳媒, 議員係呢件事上面, 都係狂鬧政府唔o岩. 不過, 政府係唔係真係錯晒?

天星碼頭搬屋呢件事, 政府由 1993年開始規劃到而家, 巳經咨詢左10幾年. 呢個一共5期的中環及灣仔填海計劃, 期期都要經立法局批錢, 仲有好多其他乜野小組, 又要咨詢區議會. 普通市民都仲有條件話唔知, 但係我地選出來的議員, 就無可能唔知.

好啦, 而家個鐘要拆, 議員先係度嘈, 前兩日見到 "工聯會" 個陳婉嫻, 係議會入面喊晒咁叫政府 "還返個鐘樓佢", 我真係要指出 3 點.

1. 個鐘樓係天星小輪有限公司, 唔係香港人, 亦都唔係佢的私有財產. 如果, 佢有少少尊重私有產權呢個concept, 唔逐收返呢句.
2. 政府係曾經咨詢過議員, 當日佢唔出聲, 而家係度嘈住晒, 好明顯佢當日失職!
3. 而家政府巳經同人簽晒 contract, 由政府帶頭叫停工, 以後仲邊度有人尊重合約精神!

當日議員們冇監察好政府, 今日係度嘈住晒, 除左搏民意, 搏上報, 同埋幫自己當日失職
"補飛" 外, 我真係睇唔到有乜野用.

另外, 集體回憶係重要, 但係尊重合約精神更可貴.

尊重法治精神, 不停自強不息, 勇往直前的精神, 先係香港人的核心價值.

個鐘無左就無左, 集體回憶唯有放入櫃. 係時候再往前看, 繼續上路, 係唔係?

股票作手回憶錄

2006-12-25T04:04:00.000+08:00

呢本書叫 "股票作手回憶錄", 書中描述史上最出色的投機之一 '' JESSE LIVERMORE'' 精彩的股票操作生涯.

呢本書第一次出版係 1922年, 大約係 85 年之前. 係果個時候, 你同我都唔知係邊, 我地祖父母都只不過係剛剛出世.

一本有 85年歷史的財經著作, 你可能覺得入面好多野都 outdated. 但係, 我花左差唔多1個月時間睇晒, 發現真係勁!

" 當一個人投機搏好彩果陣, 會唔會以為自己係投資呢?"

魔術師有個朋友叫 A妹妹仔, 佢OK 靚女, 大學主修 FINANCE, 叫做行內人. 大小姐, 買股票主要靠三樣野. 1. 經濟一週 + 經濟日報推介, 2. NOW 財經台推介, 3. 朋友推介.

大小姐自稱做左唔少研究, 但係連最基本的 financial statement都未睇過, 仲話要將自己果堆
"推介" 轉做 long term investment.

雖然A妹妹仔, 今年個 return 都幾好.

不過, 佢有冇諗清楚, 係投資, 定係投機呢? investment or speculation??

你買一隻股票, 果佢跌果陣.

如果你係打算長線投資, 真係可以越跌越買.

但係, 當你係投機果陣, 係唔係要止蝕離場?

如果, 自己想點都未搞清楚, 點面對跌市呢?? 你唔可能 EXPECT 永遠都係升市, RIGHT?

可唔可以再海闊天空....

2006-12-18T14:08:00.000+08:00

唔經唔覺, 又到年尾, 差唔多去到各大電台+電視台, 金曲頒獎禮時候啦. 講明係金曲, 照計就係果年最 HIT 果幾首. 但係, CR2 年年都搞新意思, 就係搵幾個大家都唔多識, 但係又好似好唱得既新星, 再俾個歌手獎 or 金曲獎俾佢.

聽某靚女同事講, 有條友仔叫張敬軒, 今年好有機會憑果首 <<笑忘書>>, 拎返個金曲大獎. 講真我就真係無 update 好耐啦, 見同事仔推薦, 咪download來聽下啦, ....聽完....唱都可以 ... 但係歌詞就真係頂....!

04.笑忘書作曲：張敬軒｜填詞：林若寧

要背負個包袱再跳落大峽谷煩惱用個大網將你捕捉還是你 ?不開拘束

你昨夜發的夢到這夜已告終沉下去頭上散落雨點沒有彩虹你還在抱著記憶就似塊石頭很重*

得到同樣快樂彼此亦有沮喪童話書從成長中難免要學會失望經過同樣上落彼此墮進灰網沉溺煩擾磨折何苦多講*

我快樂到孤獨我缺乏到滿足遊戲就算愉快不會幸福人大了開心都想哭我每日要生活我每日要鬥苦捱下去連上帝亦也許沒法攙扶我前路有右與左面對抉擇難兼顧

repeat *擁有同樣寄望彼此亦有苦況棉花糖從成長中曾送你愉快天堂經過同樣跌盪可會學會釋放童話情書遺書尋找答案曾經... 曾經... 回憶當天的波板糖

嘩, 成首歌慘過阿媽都唔認得, 全能上帝都扶唔起你咁大劑! 首歌咁慘, 使唔使??

BY THE WAY, 香港人係唔係要咁慘先?

尋日, 前 HSBC 個 CEO 艾爾敦話, 香港人開始失去企業精神, 唔再好似以前咁自強不息.

講開又係,10年前, 香港最有錢的TOP10, 同今日真係無乜點變, 李生, 郭生, 李生, 吳生, 鄭生, 都仲係度, 仍然仲係中堅份子.

係美國, 呢10年內出左 GOOGLES, DELL , STARBUCKS, APPLE, YOUTUBE.........

20年前鋒芒畢露的 BILLS GATES, 而家巳經退出前線, 唔搞 MICROSOFT, 同 BUFFETT一齊搞慈善. 至於大陸就更加唔洗講啦, 今年10大, 同上年10大, 可以有一半唔同晒. 真係江山自有才人出,各領風騷數十年.

到底自己企業家去左邊呢?

如果, 香港年青人 (包括我自己), 成日聽住 <<笑忘書>>, 仲可以刺激幾多冒險精神呢?

不經不覺, 好懷念 BEYOND 的 <<海闊天空>>

歌名:海闊天空
作曲:黃家駒, 編曲: 監製:, 填詞:黃家駒
今天我　寒夜裡看雪飄過
懷著冷卻了的心窩漂遠方
風雨裏追趕
霧裡分不清影蹤
天空海闊你與我
可會變（誰沒在變）
多少次　迎著冷眼與嘲笑
從沒有放棄過心中的理想
一剎那恍惚
若有所失的感覺
不知不覺已變淡
心裡愛（誰明白我）
原諒我這一生不羈放縱愛自由
也會怕有一天會跌倒
背棄了理想　誰人都可以
那會怕有一天只你共我
仍然自由自我
永遠高唱我歌走遍千里

CORPORATE GOVERNANCE ?

2006-12-15T00:54:00.000+08:00

上次講到, 有間公司個 corporate governance 衰到不得了. 但係, 呢一兩年, 個股價真係勁到識飛!

呢間公司.....咪係....GOOGLE

係唔係估唔到呢? 我都估唔到. 點解 GOOGLE 呢間公司, 自稱唔會做衰野, 但係 corporate governance 個 record咁差?

Institutional Shareholder Services 剛剛果年, 出左一個 ranking, 排左 S&P 500, DOW INDEX 入面公司的 corporate governance. 雖然, GOOGLE 唔係 S&P500, 不過, ISS 都RANK 埋佢一份.

GOOGLE 有幾多分? 個答案可能嚇你一跳, 係 0.2/100, 冇打錯, 係 0.2, 即是1分都冇 ! ! !
其他公司又有幾多分? YAHOO.COM 有 28.9/100.
至於, 其他公司最好有 90.8/100, AVERAGE大約係 72.8/100.

點解 GOOGLE會咁差? 主要係因為呢個 "dual-share-class structure", 呢個 system 令 ""insider + founder + important employee"" 個 voting power 比普通 shareholder大10倍!!

即是, D FUND 無論 hold佢幾多%, 你開 BOD 果陣都唔會夠大聲. 呢個ARRANGEMENT, 聽落都OK趕客, 但係 GOOGLE 真係越升越有. 我地不如聽下大股東點講呢個 SYSTEM先.

"The concentration of our capital stock ownership with our founders, executive officers, employees, and our directors and their affiliates will limit your ability to influence corporate matters"

GOOGLE 話自己雖然係一間 Public co., 但係, 唔想有人阻止佢做野, 所以你地d普通股民 + fund佬, HOLD左我幾耐, HOLD左我幾多, 對我公司都無話事權!

聽話去, 真係好過分, 而家個世界, 講 corporate governance, 佢咁做野, 係唔係玩野先 ?

不過, 我覺得 GOOGLE 係有少少唔同.

1. GOOGLE 佢一直冇屈 SHAREHOLDER, 冇供股, 個 CEO冇出好多人工, 好多出名衰 CORPORATE GOVERNANCE都會用 SHAREHOLDER 錢, 來益大股東, GOOGLE冇.

2. GOOGLE 由 IPO 開始, 都 SHOW "IT'S DIFFERENT, UNUSUAL, CREATIVE", 平時用來睇其他公司果套, 未必可以100% apply係佢度?

3. GOOGLE 呢間公司係有 vision, 肯 take social responsibility. 某情度上, 你take up左social responsibility, 會 lower shareholder's value, 你做 FUND佬睇住條數, 肯唔肯先?

所以, 我覺得佢情有可緣, 肯定唔止得果 0.2

WELL, 事實亦證明一切, 佢由IPO US$100 升到而家 US$480

如果, 好似之前果度講, GOOD CORPORATE GOVERNANCE = GOOD SHARE PRICE

GOOGLES 個 CORPORATE GOVERNANCE 一定好唔錯 !

係唔係有少少 contradiction? 係! 不過, 呢個世界就係咁啦.

CORPORATE GOVERNANCE 緊唔緊要呢?

2006-12-12T01:00:00.000+08:00

今日放工坐車睇 <<信報>> 果陣, 睇到一份ARTICLE係講 CORPORATE GOVERNANCE, 都幾得意. 呢度想拎出來講下.

首先QUOTE返個原文出來先:

""企業管治佳投資回報高
根據一份由美國哈佛大學企業管治佳投資回報高與賓汐凡尼亞州大學聯同合作研究的報告，把保障股東權益的一組美國上市公司與另一組較不著重保障股東權益的美國上市公司進行比較，指出前者每年股價表現較後者高出8.5%。在德國進行同類研究，若把一組擁有最佳企業管治水平與一組企業管治水平最低劣的上市公司的相關股價比較，前者每月投資回報較後者高出2.33%。
值得注意是，原來上述情況並不局限於成熟股市，就連新興市場也存在這種現象。早於美國英隆醜聞發生前，一位馬來西亞的分析員就他跟進的一百間來自不同新興市場最大的上市公司中，發現擁有良好企業管治水平的公司，若以五年為投資期，可為投資者帶來的回報遠高於大市平均水平。
以上研究結果清楚表明，良好的企業管治無論對上市公司和投資者均有利。而企業管治在投資者選股過程中，亦是不容忽視的一環。"" 元富證券（香港）投資銀行部主管暨企業管治顧問史理生

如果照上文咁講, 有好 corporate governance 的公司, 個 share price performance係會比另一間差 corporate governance 的公司好, 係唔係呢? 下面係外國其他 media 的 opinions:

Investor relation global point out " investor are willing to pay 17% to 31% premium for companies with good corporate governance.

Economists point out "" company with good corporate governance have 20% higher yield than those who do not. "

係香港, 上年 TOP 3 corporate governance 都係 HSI 中堅分子 (掛名不分先後) :
1. HSBC (0005)
2. CLP HOLDING (0002)
3. LI & FUNG LTD (0494)

Good corporate governance = good share price ??

WELL, 基本上, 我都好認同. 不過, 今日俾我發現左個 COUNTER EXAMPLE.

係乜野? 估唔估到呢?

竟然係 XXXXXX ! ! 真係估你唔到, 下次再講係邊間公司.

再談紅魔鬼 - 傑斯 [UPDATED]

2006-12-08T01:44:00.000+08:00

我大多數朋友, 都知道我係曼聯迷! 雖然, 我個髮型係有少少朗尼Feel. 但係, 其實我最愛紅魔係:

傑斯 (RYAN GIGGS)

傑斯好波, 傳控盤射樣樣精, 球技真係唔洗講.

傑斯對曼聯忠心耿耿, 由1986年青年軍, 去到1991年第一次踢英超, 到 1999年三冠王, 都今年曼聯開始復興, 都有佢份.

傑斯球品好, 亦都係公認. 係曼聯入面, 相信佢最受敵對球迷尊重.

上面果張相係前兩日影, 好有紀念價值, 點解?

<<曼聯球員吉格斯(杰斯)也成為第一位連續12個冠軍聯賽賽季均有進球的球員。圖為吉格斯6日慶祝進球的神情。>>

嘩, 12年歐聯, 年年有波入. 我估真係細哨, 施丹都未必得.

一份工, 做足12年, 年年有表現, 又未試過轉工, 仲贏得敵對公司尊重. 費SIR當年簽到傑斯, 真係訓著左,都識笑啦.

我夠膽講句, 雖然佢係2006年11月29號, 過左 33歲生日, 開始進入職業球員黃昏, 但係而家英超入面, 或者英超史上, 最強左翼, 一定係佢!

GIGGS, HAPPY BIRTHDAY!

http://www.youtube.com/watch?v=vgAjTeegZfQ&mode=related&search=

你仲記唔記得你個理想呢?

2006-12-07T03:21:00.000+08:00

今日係公司, 做野做到都ok辛苦! 大約搞到6點幾果陣, 有少少時間睇下呢個 <<人在中環>>, 講到一樣野. "你仲記唔記得你個理想呢??"

我細個果陣, 6-7歲果陣, 都有一個夢想. 講出來都幾搞笑, 就係去踢世界盃啦!
大個左少少, 真係自己知自己事, 個夢想就由踢世界盃, 轉左做現場去睇世界盃啦!!

我諗呢樣野係比較有可能實現.

讀書果陣, 我想做醫生, 即是有少少 <<妙手仁心>> 入面, 阿林保怡果隻. 點知, 後來發現自己原來都 ok 怕血, 好快又放棄左.

結果, 大學走左去讀Accounting, 畢業出來做左會計師.

講真, 我估我F.7 JUPAS之前, 係完全無諗過做呢份工.

畢業之前, 大學之後, 我都曾經有個理想. 慢慢因為返工太忙, 做野太辛苦, 開始唔記得左啦.

當自己日日做野, 做到三更半夜, 有冇諗下自己曾經想點, 咁辛苦做野, 為左乜呢?

如果, 連自己為左乜都唔知, 但係就做到成隻狗咁, 其實都OK可悲.

明年邊隻最勁呢?

2006-12-04T00:02:00.000+08:00

(我成日覺得呢個 post 好型!)

前兩篇做左個2006年回顧, 個市即跌 5xx點, 唔少老友都有 msn + phone + 當面爆粗問候我. WELL.....你估我想咩, 我都好傷o下!

不經不覺, 又去到12月. 2006年又差唔多 SAY GOODBYE! 係時間同 2007年 SAY HELLO啦!
相信,大家係2006年都有唔錯回報, 但係, 2007年點算呢??

(記住!2006年有好return, 係應該, 要年年都有 20%, 先至係叻仔!)

每一年, 我都會俾自己一個星期時間, 思考下年買乜野, 同埋下年大市會係點? 今年, 我都仲未有時間諗, 不如呢度拎出來, 同大家傾下.

今年恆指中期高點係5月,全年高點,可能係11月,12月未必去到新高啦.

今年國企指數表現好過恆指, 差唔多隻隻都去到record high.

明年, 會唔會都係咁易搵錢呢? 我覺得唔會啦. 好似前兩日 <<信報>> 睇曹仁超講行業升跌, 開始代替呢個大市方向. 所以, 年頭諗清楚呢個step, 好緊要! 而家, 仲未諗到, 下次再講!

P.S.
(TO 朋友S: 積極考慮你個意見! 不過, 難度好高, 同埋驚講錯累街坊, 你點睇先?)
(TO 朋友R: 你想買一間公司, 要清楚晒佢所有 SEGMENT係點, 有一樣唔SURE, 都唔好去搏!)

仲有, 聽日係小弟研究左成半年, 打算重點出擊的 xxx 出 interim report. 睇完掂, 我現價去掃貨!

<<我魔術師, 唔怕買貴, 最怕買錯, 更怕買錯唔識走!>>

中資金融股

2006-11-30T01:40:00.000+08:00

尋日個市無端端跌左 500幾點，隻隻都跌，基本上係無一倖免。不過，我唔打算講呢樣野，因為一日半日升跌，係無得解。所以，講來都無謂。

今日，我想講下中資金融股，入面其中一個 sector，中資銀行。

其實中資金融股都係呢一兩年先走出來。新聞叫大果幾間做 "三保五行"。

三保: 2628 中國人壽, 2318 平安保險, 2328 中國財險
五行: 939 建行, 3328 交行, 3988 中行, 1398 工行, 3968招行

中資銀行除左五行之外，仲有其他小行。例如: 中國光大, 中國國金, 民生銀行, etc

不過，因為其他未係香港IPO。今次，淨係傾下五行。

1. 939, 3988, 1398都係國家銀行, 有國家包袱, 做野一定唔夠3968 + 3328 靈活, 但係個底夠晒厚!
2. 939, 1398, 3328 主要做commercial loan, 3988做樓按, 3968就做 credit card + commercial loan.
3. 3328 有獅子行做 management, 管理層睇高一線 ! 3988 管理層有多年管理 2388 經驗, 都可投信任一票. 其他, 就真係麻麻地啦. ( p.s.: 成日見唔知乜乜分行唔見錢, 都知乜事啦, 野野都幾億幾億 )

以現價睇, 隻隻都好貴! 不過, 因為佢growth個power可能會好強, 所以都值得逢低即買!

但係, 買邊隻呢???

我個意見: 隻隻都買! (廢話云云 ?? 講完等於無講?? 想講粗口鬧我??)

因為, 上市歷史短, 大家都未知佢個管理層做成點, performance好唔好, return做成點, etc....

所以, 隻隻都買! 然後點呢?

年年幫佢地做個Annual review, compare 個 dividend, price/book, return on equity, earning, asset quality, p/e, growth power etc....

跟住, 逐年買出最弱果間, 買入最強果間. 係 3,4年之後, 你個portfilo入面會得返 1 ~ 2 隻, 最強中的最強, 可以長keep等運到啦!

至於,而家邊隻最好? UMM......我唔知, 真係各有各好,又各有各唔好......當然,我有自己最愛.

不過, 我的最愛, 未必即是你的最愛, 係唔係??

今年邊隻最勁呢?

2006-11-28T02:50:00.000+08:00

今年不經不覺，過左11個月啦。今年到而家邊度HSI股票最勁呢? 下面個 analysis 係由 2/1/2006 到 28/11/2006開始計數。

今年HSI由2/1/2006開始計,，升左22%,由 ~15,700 升到今日 ~19,200。唔計新加入去果幾隻 0386, 3988。係34隻HSI入面，有19隻升多過22%，有15隻升少過22%。其中，三強分別為 :
1. 0388 -- from $34 to $69, up104%
2. 0023 -- from $22 to $43, up 90%
3. 0941 -- from $38 to $67, up 77%

至於最差係邊3隻呢??
1. 0004 -- from $27.8 to $27.2, drop 2%
2. 0013 -- from $73 to $73, nil movement
3. 0003 -- from $16 to $17, up 4%

呢個表會係年尾再update一次，另外小弟做左HSI + HSI CHINA INDEX 個 full table, 鍾意問我拎。

睇住上面個表，好容易就睇到，今年HSI INDEX，只有一隻股仔係真真正正咁跌左 (計埋DIVIDEND照計都無事)

所以，如果今年你有20% RETURN，千祁唔好以為自己好叻，你係排19/34 ONLY，即是 below mean! 唔該檢討檢討!!

如果，你有50% RETURN OR ABOVE，恭喜你先!!但係，都唔好太自滿。2006係大好年，不論大中小傻，你只要買HSI強勢果幾隻，50%唔係乜野難事!!

咁搵錢係唔係好容易呢? 股神老畢都係 1 年AVERAGE 得 22% RETURN?

因為，人地年年地有20巴仙，我地間中先得20巴仙，仲要有時係 -20%都唔出奇。

如果，年年都做到15%~20% return，照計40歲退休，唔使撈，都唔係乜野難事 !

暫時，魔術師未得! 希望慢慢會做到!

不過，係度都恭喜大家搵多D!

點解唔可以呢?

2006-11-24T04:05:00.000+08:00

尋晚，訓來訓去都訓唔著。點解訓唔著 ? 我自己都唔知點解，呢排個人唔係成日頭痛，就係訓唔著，可能真係有少少病啦。

講返正題。前日, 我同朋友H吹水。傾傾下傾到呢個普選問題。朋友H就話...佢贊成普選議會, 但係唔贊成特首? 因為.... 如果香港人選左一個北京唔鍾意的人做特首, 咁香港經濟就玩完云云。

WELL.....我對朋友H 睇法真係不能苟同!

1. 香港人唔係傻, 佢如果明知咁搞法, 個經濟會玩完, 選出來果個一定可以俾到自己最大利益。即是,唔會係長毛果種人。

2. 就算真係選左個長毛出來, 咁又點呢?? 如果大多數香港人,明知自己經濟收皮,都要自由民主,咁又有乜野問題呢??

如果我個價值觀, 自由民主個位置比搵錢更重要, 又有乜野問題呢?

只要經過獨立思考, 確立個人價值觀。我肯犧牲A, 去換B, 又有乜野問題呢? (A=自由vs B = 錢 or A=錢 vs B=自由)

但係,而家我係冇得選, 即是想犧牲都犧牲唔到。

幾年前, 我俾人老笠, 走去報警,同阿SIR講:"阿SIR,我而家老笠左乜乜乜,。呢樣野,我蓄左好耐錢買,無端端俾人搶左, 我要告爆佢!!!"。
我想問我可唔可以去報警, 同阿SIR講 : "阿蛇,我俾人老笠左D自由民主。呢樣野, 我BORN TO HAVE, 而家擺明搶左我,仲要話為左我好!! 我要告爆佢!!!"。

" 生命誠可貴, 愛情價更高。若為自由故, 兩者皆可拋。"
— 匈牙利革命詩人裴多菲

我自己做唔到。我見有人做到, 唯有講句:

你好野! 我服左你!
仲有, 多謝晒!

我看港交所 (0388)，與我看香港金融業 - CHAPTER 1.1

2006-11-23T01:13:00.000+08:00

港交所係一間公司，佢上市個CODE係 0388，今日o岩o岩好創左新高，報$70。

香港金融業前景，係一個經濟問題，或者係一個社會問題。

分析一間公司難，分析一個社會或者經濟問題，更難。

所以，我先旨聲名，內容純屬吹水，完全無根據可言。

港交所今日收$70，以PE計55倍。不過，因為佢今年預計NET EARNING 會升大約 30%，projected PE = 35-40倍。

港交所條數好簡單，業務4大1細。4大 (CASH MARKET, DERIVATIVE MARKET, CLEARING SERVICE, INFORMATION SERVICE) ，1細 (INTEREST INCOME 即是收息)。基本上，個市好，佢好。個市唔好，佢都唔會有運行。

今年來香港上市公司總值，，DERIVATIVE PRODUCTS + EQUITY MARKET 成交量都創新高，好自然 0388 個價都跟住上。如果，你低位入，我恭喜你。如果，你未入，而家應唔應該入呢??

香港金融業.......係一個好闊的話題，首先金融業INCLUDE乜野行業呢 ? 我而家 DEFINE左先。

我DEFINE一間公司，如果佢主要業務係，為上市公司保留上市地位，融資，或者幫投資者係市場上進行買賣，佢就叫做金融業。

香港金融業雖然唔多人，但係撐住香港20%GDP，絕對係VALUE ADDED INDUSTRY。呢兩年，好多人都話上海可以取代香港，或者香港唔夠新加坡來。到底係唔係?

香港入面，0388係獨市生意，邊個買股票，都係幫襯緊 0388。

全中國咁睇，好多地方都想同香港爭呢個世界金融中心地位。最後邊個跑出，無人知。

全世界咁睇，中國係發展得最快地方之一。邊個做到中國金融中心，可能係聽日LONDON OR NEWYORK.

我的 DATABASE

2006-11-22T01:10:00.000+08:00

尋日老友甲打電話問我，知唔知某某股票有冇計呢 ? 講真，魔術師唔係六叔，你估真係隻隻 "故仔" 都記得咩。

不過，魔術師屋企電腦有樣野，真係幫到我唔少，就係我個 "DATABASE"。

"DATABASE"其實係一個FOLDER，分開晒邊個INDUSTRY，有乜野公司，公司幾年來的年報。另外，仲有我對呢間公司少少 COMMENT。

呢樣野有幾重要呢？

1. 你可以從 database 入面，選擇出下個經濟周期得益的行業 !
2. 你可以好快知道呢個行業，邊間公司係強者 !
3. 你可以係朋友面前認叻 ! (即是好似我今次咁)

但係，點先可以搞個 "DATABASE"出來呢?

1. 去圖書館，拎ANNUAL REPORT出來睇，或者去 www.hkex.com 都可以。
2. 我有一個分左 industry 的公司checklist，你有興趣，可以問我借來參考。再唔係，去www.etnet.com 都有得 copy。

其實...整一個 "DATABASE"出來，開始真係幾辛 .... 但係，又真係好有用 ! 咪講笑，真真正正 talior made !

(P.S.: 我點都覺得靠自己，比靠大行REPORT好，贏輸都係自己，冇得賴人啦，RIGHT?)

新北京人

2006-11-17T00:31:00.000+08:00

係北京返香港差唔多一個星期，都未有時間update我個blog........

今次係我第一次去北京，由於是公幹的關係，都真係無乜時間玩。不過，有件事想講下。

係北京，特別約左個舊朋友出來。其一，自己係北京，真係無乜朋友。二來，朋友係北京本地人，帶我去玩都方便D！

北京朋友係北京物理系畢業，係國際四大會計師行做野，細我一年，係以前佢來香港 secondment果陣識 ge。

北京人帶我去食烤鴨。食食下，北京人話打算明年打算去美國讀MASTER OF FINANCE。係果一刻，小弟真係有比下去的感覺。

其實，小弟一向都有諗讀MBA，但係同某個舊同事一樣，我都係打算去 CUHK or UST 讀算，都真係無諗過去外國讀書。估唔到北京人，錢又未必多得過我，英文又真係麻麻地，竟然個目標SET得比我遠。

香港人自稱係亞洲金融中心，但係有時香港人係唔係睇得唔夠遠呢??

今日恆指又再創新高,食飯又再搵唔到位的時候,香港人係唔係應該諗下點樣自強不息,局安思危呢?

不過點都好，我係呢度都衷心祝福北京人事業有成，一帆風順。

係賊唔係賊 ? CHAPER 1.1 超大現代 - 1

2006-11-06T03:04:00.000+08:00

由於聽日要出TRIP，應該都要休業5日啦，而家惟有快快手寫返少少野先。

0682今年年報入面，CHAIRMAN STATEMENT入面指出兩樣野，同我係 <國家發改委>網站理解，有少少出入:

CHAIRMAN話今年平均SELLING PRICE，比上年升左1%。但係，國家話因為入世，全國農產品平均SELLING PRICE比上年跌左11.1%。點解呢?唔通國家講錯?
睇返佢BALANCE SHEET，最大果舊叫PREPAID LEASE & PROPERTY PLANT AND EQUIPMENT，我睇返CHAIRMAN STATEMENT，拎到佢今年TOTAL買左幾多地。AVERAGE PURCHASE PRICE PER 畝係RMB125,000。但係，國家話全國農地係大約60,000 ~ 80,000/畝? 點解超大買貴左咁多呢? 係唔係中間有人落左格? 用股東錢買買地，轉頭放入自己袋??

BALANCE SHEET

公司有大約32億loan & 26億現金 ? 但係，公司利息收入，只有53M，大約 = 2%。如果，公司CASH只有2%回報，點解唔還左個7.75% LOAN? 唔通真係鍾意俾息?? 另外，睇返佢大多數現金都係外幣，2%息會唔會太少呢?? <<小弟以前係大陸見過一張假HSBC BANK CONFIRMATION,個數大約係4億度啦>>

睇左舊垃圾一陣，都差唔多係時間訓啦，下次再講 !

光輝二十年

2006-11-05T17:08:00.000+08:00

講左咁多日股票，轉過去講波先。

佢叫費格遜（Sir Alex Ferguson ），今日剛好係佢執教曼聯二十周年。

二十年前，當佢加入曼聯果陣，曼聯應該都仲係一隊好好普通的球隊，叫做有少少傳統，但係沒落左好耐。我估有少少似而家熱刺，愛華頓。

二十年後，曼聯貴為英超最班霸之一，歐洲一級大會，全世界球迷上千萬。費ＳＩＲ可謂功不可沒！

雖然，呢幾年曼聯有少少回落，唔好球迷都覺得費ＳＩＲ唔掂，係好多ＮＥＷＳＧＲＯＵＰ入面，都有球迷叫佢收皮。但係身為一個忠心曼聯迷，如果冇左費ＳＩＲ，今日仲可唔可能見到呢隊曼聯呢？

如果從返工角度來睇，一份工返左２０年，都仲可以ｋｅｅｐ住果份肉緊！都唔好話唔難！

我自問就唔得啦。

係賊唔係賊 ? CHAPER 1.1 超大現代

2006-11-02T01:16:00.000+08:00

前排魔術師 Tea time，同個老友蛇左去食tea。吹吹下水，老友細細聲講俾本魔師聽，呢排買左隻股仔返屋企，打算搏佢 20%~30% ? ? 嘩，有錢執！我就梗 "樹" 起隻耳仔啦！

點知聽完差少少，成杯凍奶茶噴晒出來！老友話佢買左 (0682) 超大現代?? 我仲以為自己撞聾 ? 呢間野，擺明係賊 ? 老友你玩野 ? ?

老友見我個樣，好似望住條死屍，充滿7分憐憫 + 3分囂張樣 ? 即時話，乜野中共第11個5年計劃 ("11五") 支持農業，乜野連 value partner 都 hold 住 10% etc, etc 啦...

我以前未做過 (0682) ，亦唔想有機會做！不過，聽人講話盤數好假，其實有前輩的blog都有講過下，如 (馬沙大人) 的blog。

本來，我都唔想講呢舊rubbish。不過，見佢31/10係 www.hkex.com 出左最新果份 annual report。小弟決定閉關
3日，研下佢係唔係賊先? 仲有，點樣分係賊唔係賊 ?

我估無人想買左鬼域 (1220) 或者戴錯眼鏡 (0389) , 係咪先?

(P.S.: 講錯左唔關我事，整定個免責條款，費時老友都冇得做 )

黎明前的黑暗?

2006-11-02T00:07:00.000+08:00

近排內地航空股 (0753,1055,670) 展翅高飛，三隻股仔差唔多日日 record high。唉，我就越睇越傷心啦...

事緣小弟都真係睇好左航空股好耐，原因如下:

1. 油唔可能企係over$70，油太高，美國經濟頂唔順，美國經濟巳經冇左房地產呢個火車頭，油再高企，１１月共和黨中期選舉，唔使選啦！

2. 人民幣升值少少，呢3間野就有唔少exchange gain + 個 foreign currency loan 都會輕鬆好多！而我相信RMB係會不停升值的！

因為呢2個原因，小弟係7月果陣，大大手吸入 0753，諗住向退休之路邁進！

點知今年8月，0753A股IPO，竟然搞到認購不足！即是無人買！跟住國際油價升到$78之高。壞消息真係太太多，而我都忍唔住放晒，輸少少離場。

結果係點 ? 我放0753果陣 $2.8，今日$4.06。差45%!!!!遲下照計會升得更多。

呢件事教左我2樣野:

1. 行業最低潮果陣，真係乜野壞消息都走晒出來，同埋係黎明再來之前，個黑暗係特別黑又特別耐.....你要等到天光，唔該俾多少少耐性+膽量。

2. 當你買一隻股仔果陣，唔該搵支筆出來，寫低自己點解要買先。如果，本來原因冇變，再定期access下自己當時有冇諗錯。如果無問題，唔好理其他新聞 + rubbish analysis report啦。

如果係咁睇， 0179 & 1070 走出黑暗未呢??'

我唔知，不過都係時間睇下佢地先。

Security Analysis

2006-10-31T00:24:00.000+08:00

呢本書叫SECURITY ANALYSIS，係 BENJAMIN GRAHAM & DAVID L.DODD係1934年寫，跟住係1940 年出 SECOND EDITION，再係1951年出呢個 FINAL EDITION。

BENJAMIN GRAHAM係邊個 ? 佢係全世界第二有錢人，WARREN BUFFETT大學入面的教授，係大學 GRAHAM 係教 BUFFETT 點投資。至於BUFFETT有幾有錢呢 ?

根據黃子華今次棟篤笑講，如果你由20歲開始，期期六合彩都中2000萬金多寶，大約到你80歲，就同佢差唔多咁有錢啦。 (ASSUME係呢60年入面，阿BUFFETT個FUND停晒係度等你。)

所以,阿Q少少地睇。我今日睇完呢本野，其實即是同老畢一齊上左幾堂大學LECTURE，FIN1010果隻COURSE。 (COLUMBIA U, ABOUT GMAT FUCKING 800PTS)

理論上，我係絕對有條件擁有至少1~2期金多寶咁多身家。

SO FAR，我而家冇.....但係，我行左第一步，你呢?

(內心果句 : 你俾我中左一期咁多多金多寶，仲搞乜Q ANALYSIS，退休算吧啦!!!!)

分享空間??

2006-10-30T04:11:00.000+08:00

我係想寫乜野呢?

可能，都係......足球，股票，打機，返工，女朋友，朋友，屋企人，諸如此類。

其實，想點寫，又有乜野所謂呢?

反正，呢度我大晒。要同其他人交代咩?

不過，小弟歡迎各方好友留言，留乜都得，無所謂! 呢個世界，最最緊要就係 FREE ! ! !

"我鍾意，你吹咩" From 《放．逐》